Մենք հետաքրքրասեր բացահայտողների մի խումբ ենք, ովքեր հազարից ավել կամավորական ժամեր են ծախսել Հայաստանի տարածքով ճամփորդելու, նոր գեղատեսիլ վայրեր բացահայտելու և բազմազան արժեքավոր կադրեր հավաքելու համար, որոնցով պատրաստվել են վեցրոպեանոց հոլովակներ Հայաստանում զբոսաշրջությունը զարգացնելու նպատակով: Դրանցից մեկը «Visit Armenia» վիդեոհոլովակն է, որն ունի հազարավոր յութուբյան դիտումներ և մեկնաբանություններ այն մարդկանցից, ովքեր մոտ ապագայում պատրաստակամություն են հայտնում այցելել Հայաստան: Մենք պատրաստվում ենք շարունակել Հայաստանում զբոսաշրջությունը զարգացնող ծրագրերը, որոնք միտված են տուրիզմի միջոցով երկրում կայուն տնտեսական աճ գրանցելուն: